 |
||
علامـات الوقـف |
||
So manga Ulamā ko okit a kabatiaa ko Qur’ān (Tajwīd) na inibtad iran so manga bitikan o katarg ko kapmbatiaa ko Qur’ān, sa inimpidan iran ankanan a bitikan sa di makatonay ko katimpalas o manga maana o Qur’ān sa ba mapotol a da makabals odi na da thakna so maana ko ka waqaf o pmbatia a isasapar oto ko kabatiaa ko Qur’ān, sa patoray a maknal o pmbatia, sa katii so inibtad iran a manga tagotao odi na manga toos a patot a masiap ko kapmbatiaa ko Qur’ān. Khatoon anan o pmbatia a matatago ko manga ayat o Qur'ān, sa maliliawaw ko sabaad a manga batang iyan.
| م | Bithowan anan sa Waqf Lāzim (patoray ron so katarg). |
| لا | Bithowan anan sa Waqf Mamnū’ (di ron khapakay so katarg). |
| ج | Bithowan anan sa Waqf Jā’iz Jawāz mustawi at-tarafayin (khapakay ron so katarg sa makandadatar so mbala a poro iyan, so katarg ago so kapamantk). |
| صلى | Bithowan sa waqf Jā’iz maa kawnil wasli awlā (khapakay so katarg on, ogaid na so kataros na aya lbi a mapia). |
| قلى | Bithowan sa waqf jā’iz maa kawnil waqfi awlā (khapakay so katarg on, ogaid sa so katarg na aya taralbi a di so kataros) |
| * * | Bithowan sa Ta’ānuq al Waqf (miakaplobd so dowa a waqafan sa o waqafi so isa on na di khawaqafan so isa). |