 |
||
SO OSAYAN KO " AL - اَلْ " KO BASA ARAB |
||
Pd a mala a khaimolngan ko kiphzoratn ko basa Arab sa kaat a Latin so bandingan ko AL, sabap sa madodowa bagi so manga panonorat ko kipzoratn iran on, sabagi kiran so aya kipzoratn iran ko AL, na so dn so kisosoratn on sa basa Arab, na pphakatonay oto sa di ron kakhabalsa ago di khasabot o pphamakin’g. So pman so sabagi na aya kipzoratn iran on, na sii ran pphakaayona ko kapmbalsa on ko pakaasal iyan a Arab, na pkhasabotan phiapia o pphamakin’g, ogaid na so kisosoratn on na mibobowang so Lām, sa aya paratiaya mi na gianan i madait a okit ko kipzoratn ko basa Arab sa salakaw a kaat, sabap sa langowan a basa a inisorat ko salakaw a kaat na aya kakhabalsa on phorong na aya isorat na so okit a kapmbalsa on kna o ba so imlā' (spelling) iyan ko pakaasal iyan.
Giankai a Al, na kasankapan a gophoon sold ko kalimah o basa Arab na mimbaloy skaniyan a ma’rifah (proper noun) sa datar o ba mattndo so sioldan iyan a ingaran. Ogaid na makatotoro sa madakl a maana a di sii domadait so kazalisaya on.
Mimbagi so AL sa dowa bagi:
1. AL a bithowan sa Al Qamariyyah أل- القمريــــة
2. AL a bithowan sa Al Shamsiyyah أل - الشمسيـــة
So al a Qamariyyah na aya maana niyan na so al a somosold ko olan (al Qamar) a pkhabals so patay a lām igiraminisompat ko salakaw ron, so pman so al a Shamsiyyah na skaniyan so al a somosold ko alongan (al Shams) na di khabals so Lām a patay, sa aya dn a khabals na so batang a matotondog iyan, sa katii so manga ibarat iyan:
So manga batang a pthondogn o aL Qamariyyah (sa khabals so patay a Lām ):
So al a Qamariyyah na aya maana niyan na so al a somosold ko olan (al Qamar) a pkhabals so patay a lām igiraminisompat ko salakaw ron, so pman so al a Shamsiyyah na skaniyan so al a somosold ko alongan (al Shams) na di khabals so Lām a patay, sa aya dn a khabals na so batang a matotondog iyan, sa katii so manga ibarat iyan:
So manga batang a pthondogn o aL Qamariyyah (sa khabals so patay a Lām ):
| aL Qamariyyah | |||||||||
|---|---|---|---|---|---|---|---|---|---|
| A | أ-alif | B | ب | J | ج | H | ح | KH | خ |
| 'A | ع-ayn | G | غ | F | ف | K | ك | L | ل |
| Q | ق-qāf | M | م | W | و | H | هـ-hā | Y | ي |
| A | أ | al-Asad | الأســد |
| B | ب | al-Bayt | البيـت |
| J | ج | al-Jannah | الجنـــة |
| H | هـ | al-Hasad | الحسـد |
| KH | خ | al-Khabar | الخبر |
| A | ع | al-Ayn | العيــن |
| G | غ | al-Guwl | الغــول |
| F | ف | al-Fārūq | الفاروق |
| K | ك | al-Kitāb | الكتاب |
| L | ل | al-Lawh | اللــوح |
| Q | ق | al-Qalam | القلـــم |
| M | م | al-Mmu’min | المؤمـــن |
| W | و | al-Walad | الولــد |
| Y | ي | al-Yāqūt | الياقــوت |
Katii pman so manga batang a pthondogn o al Shamsiyyah, sa di dn khabals so patay a Lām, sa aya dn a khabals na so batang a matotondog iyan:
al Shamsiyyah |
|||||||||||
|---|---|---|---|---|---|---|---|---|---|---|---|
| T | ت | TH | ث | DH | ذ | D | د | R | ر | Z | ز |
| S | س | SH | ش | S | ص | DH | ض | T | ط | N | ن |
| So pakaasal a imla iyan | So kisoratn on ko salakaw a kaat ago so kabalsa on | |||
|---|---|---|---|---|
| al-tarikh | T | ت | at-Tārīkh | التاريـخ |
| al-thawm | TH | ث | at-Thawm | الثـــوم |
| al-dhorah | DH | ذ | ad-Dhorah | الــذرة |
| al-dawlah | D | د | ad-Dawlah | الدولــة |
| al-rasūl | R | ر | ar-Rasūl | الرســول |
| al-zaytūn | Z | ز | az-Zaytūn | الزيتــون |
| al-salām | S | س | as-Salām | الســلام |
| al-shaytān | SH | ش | as-Shaytān | الشيـطان |
| al-samad | S | ص | as-Samad | الصمــد |
| al-dhalāl | DH | ض | ad-Dhalāl | الضــلال |
| al-tagūt | T | ط | at-Tāgūt | الطاغــوت |
| Al-nūr | N | ن | an-Nūr | النـــور |
Marayag a kapkhailaya ko kambibidaan ankanan a dowa soson a aL, sankanan a osayan tano ron, a so sabaad a panonorat na di ran mapakapznggaya, na margn a kapkhabalsa ko basa Arab igira inisorat sa kaat a Latin. So pman so al Qmariyyah, na da dn a awid a akal ko kiphzoratn on sa kaat a Latin ka kagia da a khaalin on a batang.