Muqaddimah		مُـقََـدِّمـةٌ
PANALAMAT AGO SLASLA

KATHARO A DAOROG
a Rk i Shaykh Ahmad Nuh Darping
Olowan o Manga Missionary a World Islamic Call Society
Tripoli, Libya, Sii sa Pilimpinas

So Langowan o bantogan na rk o Allāh [s.w.t] a Kadnan o manga kaadn, so kalilintad na sii ko maporo ko manga kaadn a so Mohammad Bin Abdillāh, a sosogoon sa pangalimo ko manga kaadn, go sii ko maga tongnay niyan, go so manga bolayoka iyan, sa kalangolangon iran…Oriyan iyan na:

Mataan a aya maporo a nganin a khidawag skaniyan o manga Ulama a giimloloba, ago aya mala a phanagontamanan o manga Panonorat, sii ko gii ran kaploloba ago so kapzorat iran ago so gii ran kadiorobasa, na so panagontaman iran a miaadn ko kasasakodowi ko Qur’an a Sasakawn, ago so manga katao niyan a manga ala. Aya pankatan o manosiya na so pankatan o sogoan (romasay) a aawidan iyan, ago so antap a pphanamaran iyan so kamataani ron. Daa panagontaman a ba iyan kasayani so panamar o manga Ulama, ka mataan a siran so palitaan a masindaw ko langowan a masa ago darpa, sabap roo na iniporo o Allāh [s.w.t] so pankatan iran ago piakala iyan so btad iran, ko kiatharoa niyan sa: Tharo anka (hay Mohammad) a ba makaphlagid so siran oto a manga tatao ago so siran oto a daa katawan iran? Mataan a aya bo a makaphananadm (ko Allah) na so manga lalantas i pamikiran.

Mataan a giankai a galbk a mala a initindg skaniyan o pagari ko a sasakawn a si Shaykh Hassanor Bin Maka Alapa, a Murshid ko Rabitah al Insan al Islamiyyah sa Pilimpinas, ko kiandiorobasai niyan ko manga maana o Qur’an sa basa Mranaw - isa a basa o manga Muslim sa Pilimpinas - na mataan a galbk a mala a miapatot on so kasmanga on a slasla ago sakasakaw. Sabnar a miagdam ami so kala o margn ago so mapitl a so miasmpang iyan ko masa a kipzoratn iyan sankai a diorobasa o Qur’an a Mala.

Sabnar a miakadawag skaniyan sa Paninggalan a Mala ko Pagtaw a Muslim sankai a manga ingd, sabap sa so diorobasa niyan ko Qur’an na miakarankom sa manga katao a manga ala, ka kagiya migaganap on so diorobasa o Kitab a Lubbab an Nuqul fi Asbab an Nuzul a rk o mala a Alim a si Jalal ad Din as Suyuti, ago inaloy niyan so manga Hadith a manga pipia a adn a kitotompok iyan ko oman i ayat ko Qur’an, sa miniitong ankai a Diorobasa a datar o tlo a manga kitab, sa kna o ba kitab a sasatiman.

Pphagarapn ami ko Allāh [s.w.t] a balasan iyan so Makallbi a Mizorat ko galbk iyan, ago makanggay a gona ko manga Muslim, sa so Allāh [s.w.t] i sasarigan a pthoro ko maontol a lalan.

---

AHMAD NUH DARPING
Olowan o manga Missionary a Libya sa Pilimpinas

Digos 26 March 2008

كلمة فضيلة الشَّيخ / أحمد نوح دارفينـج
مشرف مبعوثي جمعيَّة الدَّعوة الإسلاميَّة العالميَّة بطرابلس - ليبيا لدى الفلبِّيـن
ومشرف مركز التَّضامن الإسلاميِّ في الفلبِّـين

الحمد لله ربِّ العالمين ، والصَّلاة والسَّلام على أشرف الخلق محمَّد بن عبد الله المبعوث رحمة للعالمين ، وعلى آله وصحبه أجمعين. وبعد:

فإنَّ أشرف ما يقدِّمه الباحثون ، وأسمى ما يسعى إليه المؤلِّفون ، في بحوثهم وتأليفهم وترجمتهم ، ما كان في خدمة القرآن الكريم ، وعلومه الجليلة الزَّاهرة . وشرف الإنسان بشرف الرِّسالة الَّتي يحملها ، والغاية الَّتي يسعى من أجل تحقيقها. وليس هناك جهد يضاهي جهد العلماء ، فإنَّهم مشاعل النُّور والضِّياء ، في كلِّ زمان ومكان ، ولهذا رفع الله قدرهم ، وأعلى شأنهم بقول جلَّ ثناؤه: (قُلْ هَلْ يَسْتَوِي الَّذِينَ يَعْلَمُونَ وَالَّذِينَ لاَ يَعْلَمُونَ ؟ إِنَّمَا يَتَذَكَّرُ أُولُو الأَلْبَابِ) . وإنَّ هذا العمل الجليل ، الَّذي قام به فضيلة الأخ العزيز الشَّيخ حسـن نور بن ماكاء آلافاء ، المرشد العامّ لرابطة الإنسان الإسلاميَّة في الفلبِّين ، في ترجمته لمعاني القرآن الكريم إلى اللُّغة المراناويَّة - إحدى لغات المسلمين في الفلبِّين- لعمل كبير يستحقُّ التَّقدير والإجلال . قد رأينا مدى الصُّعوبة والمشقَّة الَّتى عانى بها المؤلِّف خلال كتابته لهذه التَّرجمة القرآنيَّة المجيدة.

وقد قدَّم تراثا كبيرا للأمَّة المسلمة في هذه البلاد ، حيث أنَّ ترجمته للقرآن الكريم قد حوت علوما جليلة لأنَّها مذيَّلة بترجمة كتاب لبَّاب النُّقول في أسباب النُّزول للسُّيوطي ، وذكر الأحاديث الصَّحيحة الَّتي لها صلة بآيات القرآن الكريم ، فتعتبر التَّرجمة ثلاثة كتب ، وليست سفرا واحدا في حدِّ ذاته.

والله نسأل أن يثيب فضيلة المؤلِّف على عمله ، وأن ينفع به المسلمين ، وأن يجزيه عنهم خير الجزاء ، إنَّه وليّ ذلك والقادر عليه ، والله من وراء القصد ، وهو الهادي إلى سواء السَّبيل.

أحمد نوح دارفيــج
مشرف دعاة ليبيا لدى الفلبِّين

مدينة ديغوس 26 مارس 2008م.