 |
||
MONA KO PIZIMALAW |
||
Inao ala kitāb a padoman a toroan a mona ko pizimalaw na panogod anka ranon so Iranun pipharasan a Ranaw piphandaraan na zagola ka lomimbay ko pat a pidoro alam sa doniya a kaparan ka da ka man kadakati sa piangambar a lalag na da ka pn kakirimi sa inantang a katao ka initoron ka limo o Kadnan a Pzimban
* * *
Na dawag ka dn a sanang na somayan ka lgawan na miring ka pagalongan ko dandan o manosiya ka an iran katokawi so tihaya o Kadnan a Tuhan a da nggogonaw ka ibarat a kanayo o kasturi tionkop a o mabmbar sa liyo na mikayang ko blangan na go sambr a magawg na tanan on kakhamotan so katanantanan o taw
* * *
Na amay ka ribon ako ka apay so didaw akn na mada pn sa ginawa na ska bo i khandodan a mabaloy pagirowin a tanda a pananadm ko isa a taw a malim a mialandong sa baya na o ana man’g ka a somalawat ki ladan na da a rowar ko Salām a pzolimbagn ka na pndoyogn ka on so ilano o Daphayag a Tuhan a Isaisa a aya kambalinganan o kalangon o kaadn